News Centre

TAARIFA KWA VYOMBO VYA HABARI: UTEKELEZAJI WA MIRADI YA KUSAMBAZA UMEME VIJIJINI

Thursday, January 7, 2016|Number of views (2524)|Categories: Press Releases

DAR ES SALAAM, 07 JANUARI 2016

Serikali kupitia Wakala na Mfuko wa Nishati Vijijini (REA/REF) inafadhili miradi ya kusambaza umeme vijijini katika mikoa yote ya Tanzania Bara. Miradi ya Awamu ya Pili ya Usambazaji Umeme Vijijini inatekelezwa na wakandarasi kutoka sekta binafsi ambao huhusika na ujenzi wa miundombinu ya usafirishaji na usambazaji umeme chini ya usimamizi wa TANESCO.

Malipo ya Huduma kwa Wakandarasi, Wakandarasi Wadogo na Vibarua

Kumekuwepo na malalamiko ya Kucheleweshwa kwa malipo ya wafanyakazi na vibarua pamoja na watoa huduma ambao wanashiriki katika ujenzi wa miundombinu ya kusambaza umeme vijijini. Tunapenda kuwafahamisha wananchi kuwa katika utekelezaji wa miradi ya kusambaza umeme vijijini, Wakala umeingia mikataba na wakandarasi binafsi ambao wana jukumu la kununua vifaa na kujenga miundombinu ya kusambaza umeme na wanawajibika kuwalipa vibarua pamoja na gharama nyingine zinazohitajika katika utekelezaji wa miradi husika.

Madai ya Rushwa kwa Huduma ya Kuunganisha Umeme

Aidha kumekuwepo malalamiko ua rushwa kwa huduma mbalimbali za umeme Wakala unawahimiza wananchi kuwa malipo yote ya kuunganishiwa umeme yafanyike katika ofisi za TANESCO pekee na kwamba stakabadhi zitatolewa kwa malipo hayo. Wakala unawaagiza wananchi wajiepushe kulipa fedha kwa mtu yeyote atakayewadai rushwa au kutaka malipo yoyote ya kuunganishiwa umeme yafanyike nje ofisi za  TANESCO. Aidha, Wakala unawataka viongozi pamoja na wananchi katika maeneo ya miradi kukemea na kutoa taarifa za madai ya rushwa kutoka kwa wakandarasi wakubwa na wadogo pamoja na wafanyakazi au vibarua wao pindi yanapobainika kwenye ofisi za TANESCO, Polisi na Taasisi za Kuzuia na Kupambana Rushwa (TAKUKURU) na vyombo vingine vya dola. Aidha, Serikali itachukua hatua kali za kisheria kwa wakandarasi wakubwa na wadogo, wafanyakazi na vibarua wao pindi watakapobainika kujihusisha na vitendo vya rushwa.

Kwa taarifa hii, Wakala unawaonya wakandarasi wote kutokujihusisha na vitendo vya rushwa na kuhakikisha wanawadhibiti wakandarasi wadogo, wafanyakazi na vibarua wao kutokujihusisha na vitendo vya rushwa. Wakandarasi watakaoshindwa  kutekeleza agizo hili,  mikataba yao itasitishwa  na watanyimwa fursa ya kushiriki kwenye zabuni za miradi mingine ya kusambaza umeme vijijini.

Imetolewa na:

Mkurugenzi Mkuu
Wakala wa Nishati Vijijini (REA)
Mawasiliano Towers, Ghorofa ya 2
Barabara ya Sam Nujoma
S.L.P. 7990
Dar es Salaam, Tanzania

Parua Pepe: info@rea.go.tz
Simu: +255 22 2412001, +255 22 2412002, +255 22 2412003
Nukushi: +255 22 2412007


«June 2017»
MonTueWedThuFriSatSun
2930311234
567891011
12131415

TAARIFA KWA WAKANDARASI / NOTICE TO CONTRACTORS

Wakandarasi ambao hawajakamilisha wajibu wao hawataruhusiwa kushiriki katika zabuni zitakazotangazwa na Wakala.

Contractors who have not fulfilled their obligations will not be allowed to participate in the forthcoming tenders to be advertised by the Agency.
Read more
16
1113

MAADHIMISHO YA SIKU YA MAZINGIRA DUNIANI KITAIFA YALIYOFANYIKA KIJIJI CHA , BUTIAMA, MKOA WA MARA

Tarehe 5 Juni 2017, Wakala wa Nishati Vijijini (REA) Ulishiriki Maadhimisho ya Siku ya Mazingira Duniani yaliyofanyika katika Kijiji cha Butiama, Mkoa wa Mara. Wakala ulipata fursa ya kuonesha mpango wake wa kusambaza umeme vijijini.
Read more
1718
1920212223
1112

ZIARA YA VIONGOZI WA WAKALA WA NISHATI VIJIJINI (REA) KATIKA WILAYA YA KILOLO

Mkurugenzi Mkuu wa Wakala wa Nishati vijijini (REA), Mhandisi Gissima Nyamo-Hanga aliongoza ujumbe wa viongozi wa Wakala kutembelea Wilaya ya Kilolo, Mkoa wa Iringa ili kutathmini matokeo chanya yaliyotokana na utekelezwaji wa miradi ya kusambaza umeme vijijini.
Read more
2425
26
1111

UZINDUZI WA MRADI WA UMEME VIJIJINI AWAMU YA TATU MKOA WA MANYARA

Wakala wa Nishati Vijijini (REA) umezindua utekelezaji wa Mradi Kabambe wa Kusambaza Umeme Vijijini Awamu ya Tatu katika Mkoa wa Manyara uliofanyika tarehe 24/06/2017 katika kijiji cha Luxmanda, Kata ya Secheda, Wilaya ya Babati Vijijini.
Read more
2728293012
3456789