Uzinduzi wa Tovuti ya Miradi Midogo ya Umeme (Minigrids Portal)

Thursday, August 11, 2016|Number of views (3732)|Categories: News, Events

Event date: 8/11/2016 Export event

Uzinduzi wa Tovuti ya Miradi Midogo ya Umeme (Minigrids Portal)

Kwa Ushirikiano na Benki ya Dunia Kupitia International Finance Corporation (IFC)

Serikali ya Jamhuri ya Muugano wa Tanzania imezindua tovuti inayotoa taarifa za fursa na taratibu za uwekezaji kwenye miradi midogo ya umeme nje ya gridi ya Taifa.

Uzinduzi wa tovuti hiyo ulifanyika tarehe 11 Agosti, 2016 katika Ofisi za Benki ya Dunia Tanzania. Lengo la tovuti hiyo ni kutoa taarifa ambazo zitawawezesha waendelezaji wa miradi ya nishati bora vijijini, wawekezaji mbalimbali pamoja na wadau wengine kupata taarifa sahihi ambazo zitachangia katika kuongeza wigo wa usambazaji na upatikanaji wa nishati bora vijijini.

Tovuti hiyo inatoa taarifa za kina kwa waendelezaji na wawekezaji kwenye miradi midogo ya nishati jadidifu nchini Tanzania.

Uanzishwaji wa tovuti hii umefanyika chini ya mradi wa SREP (Scaling-Up Renewable Energy Program) ambao unachochea uwekezaji kwenye nishati jadidifu ikijumuisha miradi midogo ya umeme (minigrids).

Tovuti hiyo, www.minigrids.go.tz inasimamiwa na kuhifadhiwa na Wakala wa Nishati Vijijini (REA) na taarifa zake zinaratibiwa kwa ushirikiano wa uwakilishi wa wadau wengine ambao ni Wizara ya Nishati na Madini (MEM), EWURA, NEMC, TAREA, TBS pamoja na TANESCO.


Imeandaliwa na:

Jaina D. Msuya
Afisa Habari na Elimu kwa Umma
Wakala wa Nishati Vijijini (REA)
Mawasiliano Towers, Ghorofa ya 2
Barabara ya Sam Nujoma
S. L. P 7990
Dar es Salaam, Tanzania

Barua Pepe: info@rea.go.tz
Simu: +255 22 2412001, +255 22 2412002, +255 22 2412003
Nukushi: +255 22 2412007


«August 2020»
MonTueWedThuFriSatSun
272829303112
3456789
2178

MWENYEKITI WA BODI YA NISHATI VIJIJINI ATOA WITO KUHUSU ULINZI WA MIUNDOMBINU YA UMEME VIJIJINI

Mwenyekiti wa Bodi ya Nishati Vijijini (REB), Wakili Julius Kalolo ametoa wito kwa viongozi na watendaji wa vijiji kulinda miundombinu ya usambazaji wa umeme katika vijiji vyao ili kuepusha hasara ambayo Serikali inapata kutokana na uharibifu wa miundombinu hiyo.
Read more
10
2179

REA YAIBUKA NA USHINDI MAONESHO YA NANENANE MWAKA 2020 MKOANI SIMIYU

Wakala wa Nishati Vijijini (REA) umeibuka na ushindi wa pili katika kundi la Wakala wa Serikali katika Maonesho ya Nanenane yanayofanyika kitaifa katika viwanja vya Nyakabindi mkoani Simiyu.
Read more
111213141516
17181920212223
24252627282930
31123456