Social Links Search User Login Menu
Tools
Close
Close
UJERUMANI KUSHIRIKIANA NA SERIKALI YA TANZANIA KATIKA UZALISHAJI WA UMEME VIJIJINI
Host 11982

UJERUMANI KUSHIRIKIANA NA SERIKALI YA TANZANIA KATIKA UZALISHAJI WA UMEME VIJIJINI

Serikali imesema ipo tayari kushirikiana na Ujerumani katika kuzalisha umeme vijijini kwa kutumia nishati mbadala hususan upepo na jua. Hayo yalisemwa na Waziri wa Nishati na Madini, Mhe.Prof. Sospeter Muhongo alipokutana na Ujumbe wa Wabunge kutoka Ujerumani.

Ujumbe wa Wabunge hao uliongozwa na Mhe. Josef Goeppel ambaye aliongozana na Mhe. Dorothea Steiner, Mhe. Marco Brulow, Mhe. Sabine Stuber pamoja na balozi wa Ujerumani nchini Mhe. Klaus-Peter Brandes.

Wabunge hao walimtembelea Waziri Prof. Muhongo ofisini kwake kwa lengo la kujadili naye namna Ujerumani inavyoweza kushirikiana na Tanzania katika kuwezesha wananchi wengi kupata huduma za umeme hususan kwa waishio maeneo ya vijijini kwa kutumia vyanzo vya nishati mbadala.

Mhe. Prof. Muhongo alieleza Ujumbe huo kuwa Tanzania ipo tayari kushirikiana na Serikali ya Ujerumani katika sekta ya nishati hususan nishati mbadala, katika jitihada zake za kuwapatia wananchi nishati hiyo. “Sisi tupo tayari kushirikiana nanyi katika suala hili la uzalishaji umeme, kwani lengo letu ni kuwa na umeme wa kutosha na wa uhakika” alisisitiza Prof. Muhongo.

Naye Mhe. Joseph Goeppel ambaye pia ni Kiongozi wa Ujumbe wa Wabunge hao alisema amefurahishwa na namna Tanzania ilivyojipanga katika kuwawezesha wananchi wengi kupata huduma ya umeme ambayo ni kichocheo cha maendeleo.

Aliahidi kupeleka ujumbe huo katika bunge la Ujerumani ili kuanza rasmi ushirikiano baina ya serikali hiyo na serikali ya Tanzania katika uzalishaji umeme kwa kutumia nishati mbadala.

Mhe. Goeppel alimuomba Waziri Muhongo kuwa ushirikiano huo uanze mapema mwezi Januari baada ya kukamilisha taratibu zote za kiofisi zinazohusu ushirikiano wa kimataifa. Prof. Muhongo alikubali ushauri huo na kusema Serikali ya Tanzania ipo tayari kuanza ushirikiano huo mapema iwezekanavyo.


Imeandaliwa na:

Mohamed Saif
Afisa Habari
Wizara ya Nisahati na Madini
mohamed.saif@mem.go.tz
 

Share

Print
«April 2025»
MonTueWedThuFriSatSun
311234
CALL FOR PROPOSAL - Supply and Installation of Clean Cooking Solutions to Households, Public and Private Institutions

CALL FOR PROPOSAL - Supply and Installation of Clean Cooking Solutions to Households, Public and Private Institutions

The Rural Energy Agency issue the Second Call for applications from qualified suppliers to Supply and install Clean Cooking Solutions to Households, Public and Private Institutions through on-call basis.

Read more
56
789
Sector Performance Reports for Financial Year 2023-24

Sector Performance Reports for Financial Year 2023-24

Please find the attached Sector Performance Reports for Financial Year 2023-24:

Read more
10111213
14
Wabia wa Maendeleo Waahidi Kuendelea Kushirikiana na Serikali ya Tanzania Kuboresha Maisha ya Wananchi

Wabia wa Maendeleo Waahidi Kuendelea Kushirikiana na Serikali ya Tanzania Kuboresha Maisha ya Wananchi

Mkuu wa Mkoa wa Singida, Mhe. Halima Dendego amuopengeza Wakala wa Nishati Vijijini (REA) kwa kazi kubwa ya kufikisha umeme vijijini hali iliyobadili maisha ya wananchi vijijini.

Read more
151617181920
21222324252627
2829301234
567891011

Archive

Contact Us

E-Mail
General Information:  info@rea.go.tz
Director General:  dg@rea.go.tz
Procurement (PMU):  pmu@rea.go.tz
Webmaster:  webmaster@rea.go.tz

Mailing Address

Director General
Rural Energy Agency - REA
REA Building
28 Medeli Street
P. O. Box 2153
Dodoma, Tanzania

Phone & Fax

Tel: +255 26 2323504, +255 26 2323506
+255 26 2323507
Fax: +255 26 2323507

Time Zone

Please note that we are based in Tanzania, Time zone (GMT+03:00). Although we may not be in office at times convenient for all international enquiries, we do monitor our e-mail outside normal office hours.

Back To Top