Social Links Search User Login Menu
Tools
Close
Close
Wananchi waaswa kutunza mazingira
Frank A. Mugogo 2133

Wananchi waaswa kutunza mazingira

Wakala wa Nishati Vijijini (REA) umewaasa wananchi kutunza mazingira na kulinda miundombinu pamoja na vyanzo vya maji ili kuendelea kupata huduma ya umeme pamoja na kuwa na miradi endelevu ya kufua umeme. 

Mkurugenzi wa Teknolojia za Nishati Jadidifu na Mbadala kutoka REA, Mhandisi Advera Mwijage ametoa rai hiyo Wilayani Ludewa Agosti 27, 2024 alipofanya ziara ya kukagua maendeleo ya matengenezo ya mitambo ya kufua umeme kwa kutumia maporomoko ya maji ya mradi wa Lugarawa. 

Mradi wa Lugarawa unasimamiwa na Kampuni ya Madope na unamilikiwa kwa ushirikiano baina ya Kanisa Katoliki Jimbo la Njombe, Watumia Umeme Ludewa (wananchi) na Halmashauri ya Wilaya ya Ludewa. 

Mhandisi Advera alifafanua kuwa mradi unatumia Nishati Safi na Salama kutokana na maporomoko ya maji hivyo ili mradi uwe endelevu wananchi washirikiane kutunza mazingira. 

Akizungumzia dhumuni la ziara yake katika mradi, Mhandisi Advera alisema mradi huo wa Madope ni miongoni mwa miradi ya kufua umeme kwa kutumia Nishati Jadidifu inayowezeshwa na REA. 

"Nimefika hapa kukagua shughuli zinazoendelea za matengenezo ya mitambo, kama mnavyotambua REA inawezesha miradi hii; kuna fedha ya Serikali hapa; hivyo ni wajibu wetu kuhakikisha kila kitu kinakwenda vizuri na kuhakikisha uzalishaji unaendelea," alifafanua. 

Alisema zaidi ya wateja 5,000 walikuwa wanahudumiwa na mradi lakini tangu umesimama kutokana na hitilafu iliyojitokeza wateja hao kwa sasa wanahudumiwa na TANESCO kupitia miundombinu ya usambazaji iliyojengwa na REA. 

Alisema mara baada ya matengenezo kukamilika; umeme utakaozalishwa na mradi utaingizwa katika Gridi ya Taifa kupitia miundombinu iliyopo. 

Kwa upande wake Meneja wa Mradi, Mhandisi Masanja Kurwa alisema mradi uliwezeshwa na REA na kwamba ulianza rasmi kuzalisha umeme tarehe 30 Agosti, 2019 ambapo ulikuwa ukihudumia Vijiji 20 katika Kata 6 Wilayani humo. 

Alisema mradi ulisanifiwa kuzalisha Kilowat 1,700 lakini haukuweza kufikisha na hivyo Serikali ilielekeza kusimamisha uzalishaji ili kufanya maboresho ya mitambo ili kufikia lengo. 

"Tunaishukuru REA kwa kuendelea kutushika mkono tangu hatua za awali kabisa za ujenzi na hata sasa katika haya maboresho tunayofanya tayari tumepewa fedha na REA na sasa tunasubiri Mkandarasi akamilishe ili tuuze umeme kwa TANESCO," alisema Mhandisi Kurwa. 

Mhandisi Kurwa amesema wanamtarajia Mkandarasi ambaye ni Kampuni ya ZECO mwenye makao makuu yake Nchini Italia kufika hapo kwa ajili ya maboresho na kwamba taratibu zingine zimekamilika.

Imetolewa na:

Mkurugenzi Mkuu
Wakala wa Nishati Vijijini
Jengo la REA
28 Mtaa wa Medeli
Dodoma

Share

Print
«November 2026»
MonTueWedThuFriSatSun
26
REA, Benki Ya Dunia Wapeleka Tabasamu Kwa Wananchi Waishio Visiwani

REA, Benki Ya Dunia Wapeleka Tabasamu Kwa Wananchi Waishio Visiwani

Wananchi wanaoishi katika Visiwa wameipongeza na kuishukuru Serikali kupitia Wakala wa Nishati Vijijini (REA) kwa kuwafikishia mifumo ya umeme jua kwa bei ya ruzuku hali iliyosaidia kuboresha maisha yao visiwani.

Pongezi hizo zimetolewa leo na wananchi wanaoishi katika Kisiwa cha Bezi kilichopo katika Wilaya ya Ilemela, Mkoa wa Mwanza wakati wa ziara ya Ujumbe kutoka Benki ya Dunia ilipotembelea kisiwani hapo kuona maendeleo ya mradi huo ambao unafadhiliwa na benki hiyo na kusimamiwa na REA katika visiwa 120 nchini.

Read more
2728
REA Yatumia Bilioni 6.8 Kuunganisha Kaya 1,001 Na Gesi Asilia Mikoa Ya Lindi Na Pwani

REA Yatumia Bilioni 6.8 Kuunganisha Kaya 1,001 Na Gesi Asilia Mikoa Ya Lindi Na Pwani

Wakala wa Nishati Vijijini (REA) umeendelea kufadhili miradi ya usambazaji wa gesi asilia kwa lengo la kuhakikisha kaya na taasisi za umma zinanufaika na matumizi ya nishati safi na salama ya kupikia, hatua inayochangia kupunguza utegemezi wa nishati zisizo safi na salama.

Read more
2930
Miradi Ya Umeme Vijijini Imeboresha Huduma Za Kijamii - Ujumbe Benki ya Dunia

Miradi Ya Umeme Vijijini Imeboresha Huduma Za Kijamii - Ujumbe Benki ya Dunia

Benki ya Dunia yapongeza miradi ya umeme vijijini kwa kuboresha maisha ya wananchi vijijini pamoja na huduma za kijamii.

Pongezi hizo zimetolewa leo na Mtaalam Mwandamizi wa Fedha kutoka Benki ya Dunia, Nkundwe Mwakiluma wakati wa ziara ya Ujumbe kutoka Benki ya Dunia iliyolenga kukagua maendeleo ya utekelezaji wa miradi inayofadhiliwa na Benki hiyo na kusimamiwa na Wakala wa Nishati Vijijini (REA).

Read more
311
23
The 2024/25 Energy Access and Use Situation Survey

The 2024/25 Energy Access and Use Situation Survey

The 2024/25 Energy Access and Use Situation Survey provides data to inform energy-related programs and projects.

Read more
45678
9
Wizara Ya Maji, Nishati Na Madini Zanzibar Yatembelea REA Kujifunza Utekelezaji Wa Miradi Ya Nishati Safi Ya Kupikia

Wizara Ya Maji, Nishati Na Madini Zanzibar Yatembelea REA Kujifunza Utekelezaji Wa Miradi Ya Nishati Safi Ya Kupikia

Timu ya Wataalam kutoka Wizara ya Maji, Nishati na Madini Zanzibar (MOWEM), imetembelea Wakala wa Nishati Vijijini (REA) kwa lengo la kujifunza na kubadilishana uzoefu wa utekelezaji wa Mkakati wa Taifa wa Matumizi ya Nishati Safi ya Kupikia (2024-2034).

Read more
10
REA Yaahidi Ushirikiano, Katika Utekelezaji Wa Mkakati Wa Nishati Safi Ya Kupikia Zanzibar

REA Yaahidi Ushirikiano, Katika Utekelezaji Wa Mkakati Wa Nishati Safi Ya Kupikia Zanzibar

Timu ya wataalamu kutoka Wizara ya Maji, Nishati na Madini Zanzibar (MOWEM) imekutana na kufanya mazungumzo na Mkurugenzi Mkuu wa Wakala wa Nishati Vijijini (REA) Mhandisi Hassan Saidy yaliyolenga kujifunza na kubadilishana uzoefu kuhusu utekelezaji wa Mkakati wa Taifa wa Matumizi ya Nishati Safi ya Kupikia (2024–2034).

Read more
1112131415
1617181920
REA Kuendelea Kuwezesha Sekta Binafsi Kushiriki Kuzalisha Umeme

REA Kuendelea Kuwezesha Sekta Binafsi Kushiriki Kuzalisha Umeme

Bodi ya Nishati Vijijini (REB) imeeleza kuridhishwa na maendeleo ya mradi wa ndogo wa uzalishaji wa umeme kwa kutumia mfumo wa umeme jua unaochangia Megawati Tano katika Gridi ya Taifa.

Akizungumza leo Novemba 19, 2026 wakati wa ziara ya kutembelea mradi huo katika Kijiji cha Bugando Wilayani Magu Mkoani Mwanza, Kaimu Mwenyekiti wa Bodi ya Nishati Vijijini REB, Mhe. Balozi Radhia Msuya amesema kukamilika kwa mradi huo ni hatua muhimu katika kuchochea ukuaji wa uchumi na maendeleo ya Wilaya ya Magu na Taifa kwa ujumla, huku akiahidi kuwa, REA itaendelea kutafuta fedha kwa ajili ya kuendeleza miradi ya kuzalisha umeme kwa njia mbalimbali inayobuniwa na kutekelezwa na waendelezaji wadogo.

Read more
2122
23242526272829
30123456

Archive

Contact Us

E-Mail
General Information:  info@rea.go.tz
Director General:  dg@rea.go.tz
Procurement (PMU):  pmu@rea.go.tz
Webmaster:  webmaster@rea.go.tz

Mailing Address

Director General
Rural Energy Agency - REA
REA Building
28 Medeli Street
P. O. Box 2153
Dodoma, Tanzania

Phone & Fax

Tel: +255 26 2323504, +255 26 2323506
+255 26 2323507
Fax: +255 26 2323507

Time Zone

Please note that we are based in Tanzania, Time zone (GMT+03:00). Although we may not be in office at times convenient for all international enquiries, we do monitor our e-mail outside normal office hours.

Back To Top