Social Links Search User Login Menu
Tools
Close
Close
Miradi Ya Umeme Vijijini Imeboresha Huduma Za Kijamii - Ujumbe Benki ya Dunia
Iddy Mwema 115

Miradi Ya Umeme Vijijini Imeboresha Huduma Za Kijamii - Ujumbe Benki ya Dunia

REA Yaishukuru Serikali, Wabia Wa Maendeleo Kutoa Fedha Kwa Wakati Kufanikisha Miradi Ya Nishati Vijijini

Benki ya Dunia yapongeza miradi ya umeme vijijini kwa kuboresha maisha ya wananchi vijijini pamoja na huduma za kijamii.

Pongezi hizo zimetolewa leo na Mtaalam Mwandamizi wa Fedha kutoka Benki ya Dunia, Nkundwe Mwakiluma wakati wa ziara ya Ujumbe kutoka Benki ya Dunia iliyolenga kukagua maendeleo ya utekelezaji wa miradi inayofadhiliwa na Benki hiyo na kusimamiwa na Wakala wa Nishati Vijijini (REA).

“Tumefurahi sana kama Benki ya Dunia kufika hapa, lakini kikubwa zaidi tumefurahi kuona mafanikio ambayo uunganishaji wa umeme umeleta katika kituo hiki cha Afya. Tumefurahi kuona fedha tuliyochangia kama sehemu ya mradi wa kupeleka umeme vijijini kimeleta mabadiliko makubwa na mafanikio makubwa kwenye sekta ya Afya,” amesema Mwakiluma mara baada ya kutembelea Kituo cha Afya cha Lushamba kilichopo katika Wilaya ya Sengerema Mkoani Mwanza.

Awali akitoa taarifa kuhusu utekelezwaji wa mradi huo, Mkurugenzi wa Nishati Jadidifu na Teknolojia Mbadala kutoka REA, Mhandisi Advera Mwijage amesema Benki ya Dunia imekuwa ni mdau muhimu katika utekelezaji wa miradi ya Nishati Vijijini ukiwepo mradi wa kufikisha umeme vijijini.

Mhandisi Mwijage amesema kuwa Kituo hicho cha Afya awali kilikuwa ni Zahanati kabla ya kupandishwa hadhi na kuwa Kituo cha Afya baada ya kupata umeme kupitia miradi inayotekelezwa na REA.

“Tumeshuhudia mashine mbalimbali ambazo hazikuwepo awali kabla ya kufikishiwa umeme. Uwepo wa umeme umeweza kuchangia kwa kiasi kikubwa kuboresha huduma za afya sehemu mbalimbali nchini kama ilivyo hapa. Hizi ni juhudi zinazoendelea kuchukuliwa na Serikali kwa kushirikiana na Wabia mbalimbali wa Maendeleo kama Benki ya Dunia katika kuboresha maisha ya wananchi,” amesema Mhandisi Mwijage.

Mhandisi Mwijage amewashukuru Wabia wa Maendeleo wakiwamo Benki ya Dunia kwa kuendelea kutoa fedha kwa ajili ya utekelezwaji wa miradi mbalimbali ya nishati vijijini huku akiahidi kuwa wataendelea kusimamia fedha zinazotolewa kwa usahihi ili kuweza kuleta matokeo chanya kwa wananchi na Taifa kwa ujumla.

Bw. Simon Masasi pamoja na Bi. Adventina Pascal ni wakazi wa Kijiji cha Irigamba wamesema kuwa uwepo wa umeme katika Kituo hicho cha Afya kumewaondolea adha ya kusafiri umbali wa saa Nne kwenda kupata huduma za baadhi ya vipimo mjini ambavyo walikuwa hawawezi kuvipata katika Kituo hicho hapo awali kabla ya kupata umeme.

Share

Print
«November 2026»
MonTueWedThuFriSatSun
26
REA, Benki Ya Dunia Wapeleka Tabasamu Kwa Wananchi Waishio Visiwani

REA, Benki Ya Dunia Wapeleka Tabasamu Kwa Wananchi Waishio Visiwani

Wananchi wanaoishi katika Visiwa wameipongeza na kuishukuru Serikali kupitia Wakala wa Nishati Vijijini (REA) kwa kuwafikishia mifumo ya umeme jua kwa bei ya ruzuku hali iliyosaidia kuboresha maisha yao visiwani.

Pongezi hizo zimetolewa leo na wananchi wanaoishi katika Kisiwa cha Bezi kilichopo katika Wilaya ya Ilemela, Mkoa wa Mwanza wakati wa ziara ya Ujumbe kutoka Benki ya Dunia ilipotembelea kisiwani hapo kuona maendeleo ya mradi huo ambao unafadhiliwa na benki hiyo na kusimamiwa na REA katika visiwa 120 nchini.

Read more
2728
REA Yatumia Bilioni 6.8 Kuunganisha Kaya 1,001 Na Gesi Asilia Mikoa Ya Lindi Na Pwani

REA Yatumia Bilioni 6.8 Kuunganisha Kaya 1,001 Na Gesi Asilia Mikoa Ya Lindi Na Pwani

Wakala wa Nishati Vijijini (REA) umeendelea kufadhili miradi ya usambazaji wa gesi asilia kwa lengo la kuhakikisha kaya na taasisi za umma zinanufaika na matumizi ya nishati safi na salama ya kupikia, hatua inayochangia kupunguza utegemezi wa nishati zisizo safi na salama.

Read more
2930
Miradi Ya Umeme Vijijini Imeboresha Huduma Za Kijamii - Ujumbe Benki ya Dunia

Miradi Ya Umeme Vijijini Imeboresha Huduma Za Kijamii - Ujumbe Benki ya Dunia

Benki ya Dunia yapongeza miradi ya umeme vijijini kwa kuboresha maisha ya wananchi vijijini pamoja na huduma za kijamii.

Pongezi hizo zimetolewa leo na Mtaalam Mwandamizi wa Fedha kutoka Benki ya Dunia, Nkundwe Mwakiluma wakati wa ziara ya Ujumbe kutoka Benki ya Dunia iliyolenga kukagua maendeleo ya utekelezaji wa miradi inayofadhiliwa na Benki hiyo na kusimamiwa na Wakala wa Nishati Vijijini (REA).

Read more
311
23
The 2024/25 Energy Access and Use Situation Survey

The 2024/25 Energy Access and Use Situation Survey

The 2024/25 Energy Access and Use Situation Survey provides data to inform energy-related programs and projects.

Read more
45678
9
Wizara Ya Maji, Nishati Na Madini Zanzibar Yatembelea REA Kujifunza Utekelezaji Wa Miradi Ya Nishati Safi Ya Kupikia

Wizara Ya Maji, Nishati Na Madini Zanzibar Yatembelea REA Kujifunza Utekelezaji Wa Miradi Ya Nishati Safi Ya Kupikia

Timu ya Wataalam kutoka Wizara ya Maji, Nishati na Madini Zanzibar (MOWEM), imetembelea Wakala wa Nishati Vijijini (REA) kwa lengo la kujifunza na kubadilishana uzoefu wa utekelezaji wa Mkakati wa Taifa wa Matumizi ya Nishati Safi ya Kupikia (2024-2034).

Read more
10
REA Yaahidi Ushirikiano, Katika Utekelezaji Wa Mkakati Wa Nishati Safi Ya Kupikia Zanzibar

REA Yaahidi Ushirikiano, Katika Utekelezaji Wa Mkakati Wa Nishati Safi Ya Kupikia Zanzibar

Timu ya wataalamu kutoka Wizara ya Maji, Nishati na Madini Zanzibar (MOWEM) imekutana na kufanya mazungumzo na Mkurugenzi Mkuu wa Wakala wa Nishati Vijijini (REA) Mhandisi Hassan Saidy yaliyolenga kujifunza na kubadilishana uzoefu kuhusu utekelezaji wa Mkakati wa Taifa wa Matumizi ya Nishati Safi ya Kupikia (2024–2034).

Read more
1112131415
16171819202122
23242526272829
30123456

Archive

Contact Us

E-Mail
General Information:  info@rea.go.tz
Director General:  dg@rea.go.tz
Procurement (PMU):  pmu@rea.go.tz
Webmaster:  webmaster@rea.go.tz

Mailing Address

Director General
Rural Energy Agency - REA
REA Building
28 Medeli Street
P. O. Box 2153
Dodoma, Tanzania

Phone & Fax

Tel: +255 26 2323504, +255 26 2323506
+255 26 2323507
Fax: +255 26 2323507

Time Zone

Please note that we are based in Tanzania, Time zone (GMT+03:00). Although we may not be in office at times convenient for all international enquiries, we do monitor our e-mail outside normal office hours.

Back To Top